Австрали улс нь чанартай дээд боловсролын системээрээ дэлхийд тэргүүлдэг бөгөөд олон их дээд сургуулиуд дэлхийд шилдэг их сургуулийн жагсаалтад тогтмол ордог. Австралийн дээд боловсролын систем нь чанартай, олон улсад хүлээн зөвшөөрөгдөхөөс гадна олон төрлийн нарийн мэргэжил, хөтөлбөрүүдтэй байдаг нь олон улсын оюутнууд зорьж ирж суралцах шалтгаан болдог.
- Бакалаврын зэрэг
Бакалаврын зэрэг нь Австралийн их дээд сургуулиудын суурь мэргэжлийн зэрэг олгох үндсэн хөтөлбөр юм. Ихэвчлэн дээд сургуулиуд бакалаврын зэргийг санал болгодог ч зарим TAFE сургуулиуд, коллежууд бакалаврын сургалтын мөн явуулдаг. Эдгээр хөтөлбөрүүд нь өргөн цар хүрээг хамрах бөгөөл олон тооны хичээлүүдээс сонгох суралцах боломжийг олгосноор оюутнуудыг төрөл бүрийн карьерт бэлтгэх цогц боловсролыг санал болгодог.
Тавигдах шаардлага
- Австралийн 12-р анги буюу түүнтэй адилтгах боловсролыг эзэмшсэн,
- IELTS – нийт оноо 5.5 эсвэл түүнээс дээш,
- Мэргэжлээс шалтгаалсан тусгай тавигдах шаардлага.
Хугацаа: 3-4 жил.
Сургалтын төлбөр: Дунджаар жилийн $20000 – $45000.
Үр дүн
- Тодорхой сэдвээр мэргэшсэн гүнзгий мэдлэг,
- Мэргэжлийн хөгжил,
- Олон улсад хүлээн зөвшөөрөгдсөн боловсролын зэрэг.
Үргэлжлүүлэн суралцах боломж
- Graduate certificate/Graduate diploma (Нэмэлт зэрэг)
- Магистрын зэрэг